صمت

صمت وافواه صامته
هناك شيء غريب؟؟
هناك شيء غريب؟؟

اتحدث ولا احد يجيب
اسمع همسهم
اسمع ضحكاتهم
جالس بينهم مثل الغريب

من انا؟؟ اجيبوني ؟؟ من انتم ؟؟ اجيبوني؟؟
صمتكم يقتلني
صمتكم ينهيني
وانا لا احب النهايه

تضحكون ولا تجيبوني؟
تهمسون
تبتسمون
تفعلون ما تفعلون
فأنتم لا تهموني
لا تهموني..!!؟


(وقفه)

أجلس في المقعد
وافكر..؟
و اصل الى المستحيل
فلربما المستحيل يشفي جروحي



(نهايه)
رجل يقرأ الجريده
وهو مهتم بما يقرأه
يتصفح اوراقها
ورقه تلو الاخرى
عندما انتهى من الجريده
قام وامسك عصاه السوداء
يمشي ويتخبط
أعمى..!!؟

ضيقه

ضيقه .. تعب .. و هم شالسبب ما ادري ؟ كتمه في الصدر و دمعه بالعين
تقف حائره امام هذا المجتمع الغريب وجوه حائره وجوه صفراء
سكوت وصمت غريب
برد .. برد قارس
و شوق شوق غريب للوطن
للاهل
خريف و جو غريب
اوراق صفراء متناثره
واقدام تمشي على هذه الاوراق
غرباء
غرباء في كل الانحاء
وشخص يشرب الكابتشينو في الكوفي شوب
بينما شخص اخر يبحث في النفايات عن شيء يأكله
امرأه تظهر اكثر مما تستر
بينما امرأة اخرى لا تجد ما تستر به جسدها المتهالك
مجتمع غريب
واشخاص غرباء
ونهر حزين
يحمل دموع الملايين..!!؟

بدليات تايم

اليوم بالضبط في لاديفانس كنا نتمشى انا و زوجي العزيز نسوي سبورت لزوم اللياقه وحاشتنا بدليات مو طبيعيه يعني بدليات تايم نتمشى والجو حلو فجأه من التعب قلت له متى نوقف جان يقول بس نعدي هالحماره نوقف؟ عاد انا اهني طنقرت ما احب الغلط واحنا برمضان عبالي يقصد المره اللي جدامنا واحنا برمضان فقلت له بذمتك مو حرام عليك ها احنا برمضان وانت تقول حماره عن المره حرام عليك حرام وهو طبعا ميت من الضحك طلع قصده بس نطوف هالعماره !! والعماره صارت حماره جان يقول حرام عليج ليش سن الضوء...!! وانا مت من الضحك قلتله يعني قصدك بتقول ضوء السن...!! واثنينا طبعا قصدنا ظن السوووء

صدمه

صدمه لما الواحد ينصدم من اقرب الناس له وينجرح منهم سواء اصدقائه اهله ربعه ناسه صدمه لما تضيق عليه الدنيا ويحس انه محد له محد معاه والكل ضده
صدمه لما يموت السند والفرح و الوالد .. صدمه لما الكل يوقف ضدي
صدمه لما اكون حديث المجتمع
صدمه لما اقرب الناس يطعني بظهري
صدمه لما لكل يعبس بويهي
صدمه لما ما القى احد يضحك لي
صدمه لما اخوانك وخواتك تاكل بلحمك
صدمه لما ما تلقى لك سند يسندك
واخر صدمه انك تترك ديرتك وتروح بعييييييييييد و مو ناوي انك ترجع لها ..!! يمكن البعد يداوي الجروح .. يمكن البعد يطيب المجروح
يمكن والله ليش لأ ..!!؟

غربه

غريبه بديرة غربه والكل عندي غريب استغرب من الكل بافعالهم الغريبه
غرب و غربه والكل حولي اغراب وما غريب الا الشيطان

العيد الوطني لفرنسا

العيد الوطني لفرنسا كان يوم 14-7 طبعا الكل طالع محد قاعد في بيته العالم كلها طالعه و زحمه زحمه مو طبيعيه استانسنا وطلعنا وغيرنا جو وبالليل العاب ناريه عند برج ايفل عقبها قررنا نرجع طبعا زحمه من كثر الزحمه قمت اختنق مو قادره اتنفس والاسعاف تمشي بينا تشيل اللي طاحو والعالم اللي يطيح يدوسونه عاد انا وقفت وقمت اقول لهم لو هي عمره او حج ما تزاحمتو جذي يا طايحين الحظ عاد اهمه مو فاهمين بس يقولون داكوغ وي وي داكوغ
المهم ركبت المترو رايحه للبيت زحمه زحمه المترو حده زحمه والا وحده حرام ركض تركض تبي تلحق تروح معانا والا الباب سكر على ايدها عاد انا قلتلهم اسكيوز موا باردون سيلفوبلاي عاد ربعها معاها سوولي طريج جان اطلع مطهر وبلاستر وضماد اهمه شافو جذي عبالهم دكتوره قامو يصارخون دوكتور دوكتور عالجت البنت وقامت تشكر ميغسي ميغسي سبحان الله احنا المسلمين فينا رحمه قلوبنا حنينه محد اهتم فيها جنهم ما يشوفونها او بالاصح جنها خفيه بس احنا المسلمين ساعدناها الحمدلله على نعمة الاسلام

اوربا

بعد جولتي في روما و انحاء باريس وبلجيكا و هولندا اكتشفت ان الناس تختلف من بلد لبلد في شعب طيب في شعب نحيس في شعب حباب هذا غير الطبيعه اللي تختلف من دوله و دوله على سبيل المثال روما ناس طيبه لابعد الحدود وتحب تساعد يعني لا تستغرب لما الكل يضحك بويهك رايح راد عالم مبتسمه بالنسبه لباريس وفترة بقائي فيها جرب على يوم تشيل جنطه ثقيله وتمشي بالمتروات
وقتها الكل بيساعدك جميع الجنسيات وتعلمت منهم شغله اللي هي امشي و ابتسم لان الابتسام شي اشوفه يوميا عندهم وبخصوص بلجيكا لا يحوووووووشك ابو الحراميه هناك ولو اقولكم سالفتي مع بلجيكا بتبجون طبعا اثناء فترة بقائي في اوربا قلنا نشوف بلجيكا الغريب كلها مغاربه وعرب و جزائريين وافغان بس وصلنا نزلت انا والجناط زوجي الفطين ما شالله عليه شاااااطر قال لي اقول حبيبتي عطيني جوازج لا يضيع احطه مع جوازي واحطهم مع بعض في جنطة الكاميرات المهم كنت واقفه مع باقي الجناط والاخ راح للبقاله يجيب بيبسي عصير و ماي وراح بطريجه الجمعيه شرى كرت وبعدين لماكينة الاتصال اتصل عالاهل طمنهم بعدين راح للبقاله وانا في اثناء هذا الوقت جاني ريال جزائري يسئلني وين بانوراما قلتله يبه ماعرف اي وين بانوراما وكانت عينه على جناطي حسيت انه بيبوق شي عصبت عليه وقلت له مادرررررررري!!! بعدين يتني وحده مغربيه هي و زوجها السلام عليكم حضرتك عربيه !! احنا كمان عرب (لا والله احلفي) زين واحنا من المغرب العربي (لا هلا ) بدنا ننتظر معك انتي ناطره منو يبه ناطره زوجي لالا ما نخليكي لحالك ننتظر معك والله وعينهم على جناطي متفقين كل شوي مدت ايدها ومد ايده على اغراضي زفيتهم و راحو ياني زوجي راح كان لابس جنطه كروس على صدره سوده فيها كامرتين وجوازاتنا اشوف مو على صدره من الصدمه اطالع فيه قال هاج عصير هاج ماي قلتله الجنطه الجنطه الجنطه وييييييييييييييييييييين؟ حتى هو انصدم طلع ناسيها باحد الاماكن اللي راح لها والاغلب ناسيها بالبقاله رحنا مكان مكان نسأل ولا احد فادنا حتى البقاله ما نفعنا بشي يبه اخذ الكاميرات عليك بالعافيه بس نبي الجوازاااااات لا مافي؟؟ عطيناه فلوس هاك 5 الاف هاك 10 الاف ايرو بس عطنا جوازاتنا لا ما عندي وهذي قصتنا مع بلجيكا ...!! وبالنسبه لهولندا هاديه حيل حلوه طبيعه شعب طيب وحباب لي عوده مع مغامراتي في اوربا يلا بااااااااي